Main aur Woh

Mujhe Kavita pasand Hai.. 

Use hollywood movies... 

Main gungunata Hu gulzar ko.. 

Woh Angrezi gaane sunti Hai.. 

Woh ghumti Hai khuli hawaa si aazad.. 

Main khoya rehta Hu khud me akela.. 

Bilkul alag Hai mujhse.. 

Woh har baat me... 

Kaha tha hamesha rahenge saath.. 

 

Pichle baras suna Hai  

Shadi ho gayi uski... 

Aajkal woh gulzar ko padti Hai.. 

Hindi gaane bhi sunti Hai... 

Jab akele hoti Hai khud me... 

Aur main.. Aaj kal... 

Bahar Jyaada rehta Hu... 

Aur  

Sun leta Hu kuch angrezi gaane... 

Jinhe woh aksar gungunati thi… 

 

Abhishekk….