Sar dard

Ekk dafa who yaad hai tumko
Phone par yun hi baat karte karte
Achanak tumne kaha tha
Aaj sar dard ho raha hai bahut
Maine kitna samjhaya tha...
Jyada socha mat karo
Kuch khaya piya karo
Aise kaise kaam chalega,
Pucha bhi tha maine
Koi Tablet li..?
Tumne muskura kar kaha tha
Nahi, rehne do..
Tumse baat karungi thik ho jaaungi…….

Aaj jab tumne phone uthaya
11 missed call ke baad..
“ Kya baat karni hai?
Tum chale kyu nahi jaate..
Tum jaaoge nahi
Toh koi dusra kaise aayega..
Tum samjhte kyu nahi…
Tum sar dard ban gaye ho mere liye..
Tum sar dard ban gaye ho mere liye..!! “